24.Փետրվար.2019
Վթար Արտենի-Արագածավան ճանապարհին. 2 վիրավորների վիճակը ծանր է Գ. Ծառուկյանը մեծ թվով մարզագույք և մարզասարքեր է նվիրաբերել Արցախի զորամասերին Արայիկ Հարությունյանը ՌԴ դեսպանի հետ քննարկել է կրթության և գիտության ոլորտում փոխգործակցությունը խորացնելու հեռանկարները Ներիշխանական ինտրիգները ոնց եղել են, այնպես էլ կան
«ԽԱԼԴԻ.ԿՈ» ընկերության կողմից տարածված հայտար... ԲՀԿ-ն ու «Եդինայա Ռոսիա»-ն հուշագիր կստորագրե... «Փաստ» լրատվական գործակալության լրագրողը՝ փաս... Գ.Ծառուկյանի հովանավորությամբ անցկացվել է Արմ... Գ. Ծառուկյանի աջակցությամբ Երևանում գտնվող ՌԴ... Դահուկասպորտը՝ ՀԱՕԿ-ի մշտական ուշադրության կե... Գ. Ծառուկյանը մարզագույք է նվիրաբերել Արցախի ... Ազատ տնտեսական գոտի ստեղծելու գործընթացը սկսվ... Գ. Ծառուկյանն ընդունել է Սլովենիայի նախկին նա... Նվեր Ծառուկյանի փաստաբան Էմին Խաչատրյանի պարզ... Գ. Ծառուկյանի շնորհիվ՝ Թումանյանի տուն-թանգար... Քանի դեռ Միրիջանյանի նման բժիշկների տեսակը կա... Լեոնիդ Կալաշնիկովին և Վիկտոր Վոդոլացկուն Վլադիմիր Պուտինի հրավերով ԲՀԿ նախագահ Գագիկ Ծ... Ուկրաինայի Զապորոժիե քաղաքում հայերը նշել են ... Կիևի հայ համայնքը մեծ շուքով նշել է Տեառնընդա... «Հրապարակ». Արարատ Միրզոյանը հաղթահարել է աղք... Գ. Ծառուկյանը ավտոմեքենա է նվիրել ըմբշամարտի ... Գագիկ Ծառուկյանը Սոչիում մասնակցելու է Ռուսակ... Հերթական անակնկալը՝ USA Armenia TV-ից․ «Ինտրի... Կառավարության ծրագիրն ու մարդկանց գործազուրկ ... Ճշմարտություն չկա այն մարդու մեջ, որը ի զորու... Գյուղատնտեսության ապահովագրության ծրագրի առաջ... Ասում է՝ ես խի՞ պետք է հարկ վճարեմ, ես հայտնի... Մեկ օրում բացահայտվել է 48 հանցագործություն. ...

Տիգրան Աբրահամյան. «Կուտակումների ակտիվության որոշակի նվազում ունենք»

Պաշտոնական տեղեկատվության համաձայն` գրեթե մեկ ամիս առաջ Ադրբեջանը բավականին ակտիվացել էր արցախա–ադրբեջանական սահմանին: Այդ վարքագիծը դրսևորվում էր հիմնականում հատուկ նշանակության ստորաբաժանումների տեղաշարժերով և դիպուկահարների ակտիվությամբ:

Արցախի Հանրապետության նախագահի խորհրդական Տիգրան Աբրահամյանից Oragir.info–ն փորձեց մեկնաբանություն ստանալ սահմանային ներկա իրավիճակի վերաբերյալ:

«Կուտակումների ակտիվության որոշակի նվազում ունենք: Ամենայն հավանականությամբ` այդ նվազումը պայմանավորված է այն հանգամանքով, որ Ադրբեջանում հուլիսի 2–6–ը մասշտաբային զորավարժություններ են նախատեսված: Ենթադրում եմ, որ հիմնական զորքերի տեղաշարժը զորավարժության վայրում է: Այս պահին մենք չունենք հակառակորդի ակտիվության այն իրավիճակը, այն կուտակումները, ինչն ունեինք երկու կամ երեք շաբաթ առաջ: Այդ առումով ակտիվության նվազում կա»,–մեզ հետ զրույցում ասաց Տիգրան Աբրահամյանը:

Հարցին, թե վերջին երեք ամիսների կտրվածքով հրադադարի ռեժիմը խախտելու վիճակագրությունն ինչպիսի՞ն է, Արցախի նախագահի խորհրդականը պատասխանեց. «Մեծ հաշվով` հրադադարի ռեժիմի խախտումների վիճակագրությունը այդքան էլ կապ չունի առաջնագծում Ադրբեջանի ակտիվության հետ: Որովհետև, օրինակ, կարող է հրաձգային զենքերի կամ գնդացիրների միջոցով խախտումների դեպքերը նվազեն, բայց առաջնագծում լարվածությունը դրանից չնվազի: Իհարկե, հրաձգային զենքերի միջոցով խախտումների նվազում կա, բայց դա չի նշանակում, որ ընդհանուր ակտիվությունը վերջին երեք ամսում նախորդ տարվա նույն ժամանակահատվածի համեմատ նվազել է: Ավելին` այս պահին, և հատկապես ապրիլ ամսից սկսած, հակառակորդը մշտապես ակտիվության տարբեր դրսևորումներ է ցուցաբերում: Այնպես որ` զուտ վիճակագրական տվյալները ոչնչի մասին չեն խոսում»:

Տիգրան Աբրահամյանից նաև հետաքրքրվեցինք` ինչպիսի՞ իրավիճակ է քարոզչական դաշտում:

«Ճիշտ է` բուն առաջնագծում զորքերի տեղաշարժերի առումով նվազում կա, սակայն քարոզչական դաշտում Արդբեջանի ակտիվությունը պահպանվում է: Վերջին շրջանում ադրբեջանական կողմի քարոզչական ակտիվությունը ոչ միայն չի նվազել, այլև բավականին աճել է: Վերջին դրսևորումը ռուս փորձագետների, պատգամավորների ու նաև լրագրողների այցն էր շփման գծի հարավային ուղղություն: Իրենց կողմից կազմակերպած ինչ–որ արհեստական կոնֆերանսի միջոցով փորձելու էին այդ շրջանակից հակահայկական հայտարարություններ պոկել, և ինչ–որ տեղ նրանց մոտ ստացվել էր»,–ընդգծեց մեր զրուցակիցը:

Քարոզչական դաշտում առկա այլ դրսևորումներ ևս կան:

«Ադրբեջանական կողմը փորձում է նաև օգտագործել հայկական մամուլում մեր զինված ուժերի հետ առնչվող բոլոր լրատվական հոսքերը: Բնականաբար` դրանք ուռճացվում են, նաև այլ համատեքստում օգտագործում` փորձելով ցույց տալ, թե իբրև հայկական բանակի վիճակը վատ է և այլն: Այսինքն` մամուլում տեղ գտնող հրապարակումներով փորձում են «խաղալ»»,–նշեց մեր զրուցակիցը` ընդգծելով, որ ադրբեջանական կողմը վերցնում է նյութերի «ամենահարմար» հատվածը ու այդ հատվածի վրա ինչ–որ քարոզչական բաներ է սարքում:

«Ամեն դեպքում վերջին տարիներին թե՛ հայկական մամուլը և թե՛ հայ հասարակությունը սովորել են ադրբեջանական կողմի ապատեղեկատվություններին: Միշտ չէ, որ ապատեղեկատվության խայծը մեզ մոտ ընդունվել է, բայց, ամեն դեպքում, Ադրբեջանն իր ջանքերն այդ ուղղությամբ շարունակում է: Այն լուրերը, որոնք տեղեկատվական լուրջ վտանգ են ներկայացնում, դրանց վերաբերյալ մենք փորձում ենք ժամանակին և օպերատիվ ձևով արձագանքել: Բայց Ադրբեջանը հիմնականում աղբ է տարածում, և ոչ միշտ է, որ արձագանքելու անհրաժեշտություն է առաջանում»,–եզրափակեց Տ. Աբրահամյանը:

Աննա Բադալյան

 

website by Sargssyan