24.Փետրվար.2019
Վթար Արտենի-Արագածավան ճանապարհին. 2 վիրավորների վիճակը ծանր է Գ. Ծառուկյանը մեծ թվով մարզագույք և մարզասարքեր է նվիրաբերել Արցախի զորամասերին Արայիկ Հարությունյանը ՌԴ դեսպանի հետ քննարկել է կրթության և գիտության ոլորտում փոխգործակցությունը խորացնելու հեռանկարները Ներիշխանական ինտրիգները ոնց եղել են, այնպես էլ կան
«ԽԱԼԴԻ.ԿՈ» ընկերության կողմից տարածված հայտար... ԲՀԿ-ն ու «Եդինայա Ռոսիա»-ն հուշագիր կստորագրե... «Փաստ» լրատվական գործակալության լրագրողը՝ փաս... Գ.Ծառուկյանի հովանավորությամբ անցկացվել է Արմ... Գ. Ծառուկյանի աջակցությամբ Երևանում գտնվող ՌԴ... Դահուկասպորտը՝ ՀԱՕԿ-ի մշտական ուշադրության կե... Գ. Ծառուկյանը մարզագույք է նվիրաբերել Արցախի ... Ազատ տնտեսական գոտի ստեղծելու գործընթացը սկսվ... Գ. Ծառուկյանն ընդունել է Սլովենիայի նախկին նա... Նվեր Ծառուկյանի փաստաբան Էմին Խաչատրյանի պարզ... Գ. Ծառուկյանի շնորհիվ՝ Թումանյանի տուն-թանգար... Քանի դեռ Միրիջանյանի նման բժիշկների տեսակը կա... Լեոնիդ Կալաշնիկովին և Վիկտոր Վոդոլացկուն Վլադիմիր Պուտինի հրավերով ԲՀԿ նախագահ Գագիկ Ծ... Ուկրաինայի Զապորոժիե քաղաքում հայերը նշել են ... Կիևի հայ համայնքը մեծ շուքով նշել է Տեառնընդա... «Հրապարակ». Արարատ Միրզոյանը հաղթահարել է աղք... Գ. Ծառուկյանը ավտոմեքենա է նվիրել ըմբշամարտի ... Գագիկ Ծառուկյանը Սոչիում մասնակցելու է Ռուսակ... Հերթական անակնկալը՝ USA Armenia TV-ից․ «Ինտրի... Կառավարության ծրագիրն ու մարդկանց գործազուրկ ... Ճշմարտություն չկա այն մարդու մեջ, որը ի զորու... Գյուղատնտեսության ապահովագրության ծրագրի առաջ... Ասում է՝ ես խի՞ պետք է հարկ վճարեմ, ես հայտնի... Մեկ օրում բացահայտվել է 48 հանցագործություն. ...

Մեկնողները քիչ են, ուստի գներն էլ չեն բարձրացել

Տուրիստական գործակալությունների վիճակագրական տվյալներն արտագնա տուրիզմի առումով դեռևս աղոտ են: Այնուամենայնիվ, նրանց տվյալների հիման վրա կարելի է մոտավոր պատկերացում կազմել այն հիմնական ուղղությունների մասին, որոնք այս տարվա ամռանն առավել նախընտրելի են հայաստանցիների կողմից:

«Արարատ» տուրիստական գործակալության տնօրեն Մելինե Մաթևոսյանի խոսքով` այս տարի մեր հայրենակիցներն ավելի շատ նախընտրում են իրենց հանգիստն անցկացնել Եգիպտոսում, Հունաստանում, Իտալիայում:

«Նշված երկրները հիմնական ուղղություններն են: Մեր քաղաքացիները հիմնականում նախընտրում են հուլիս–օգոստոս ամիսներին մեկնել հանգստի: Նշված ժամանակահատ վածն ամենապիկ շրջանն է»,– Oragir.info-ի հետ զրույցում ասաց նա: 

Տուրիստական գործակալությունների ներկայացուցիչների հետ զրույցում փորձեցինք պարզել նաև տուրփաթեթների գնային քաղաքականության հնարավոր փոփոխությունների մասին:

Մելինե Մաթևոսյանի տվյալներով` թանկացումներ չեն եղել:

«Հակառակը` գները նվազել են: Ինչ վերաբերում է գնային տարբերությանը, որը կարող է գրանցվել կախված ամսից, գնային տատանում գրեթե չկա: Հիմնականում մեծ չէ տարբերությունը` կարող է շատ չնչին լինել: Օրինակ` օգոստոսին մի փոքր ավելի թանկ է»,–ասաց նա:

Մեր զրուցակցի դիտարկմամբ` հիմնականում փաթեթներ են վաճառվում, որոնց մեջ ներառվում են ավիատոմսը, հյուրանոցը և այլ ծառայություններ. «Ընդհանուր առմամբ` հայերը հիմնականում սիրում են լավ` 4–5 աստղանի հյուրանոցներում հանգստանալ»:

«Սանի դեյ» տուրիստական ընկերությունից էլ հայտնեցին, որ այս տարի հիմնական ուղղությունները Եգիպտոսն ու Հունաստանն են:

Ընկերության աշխատակցի խոսքով` գնային կտրուկ տարբերություններ այս ամառ չեն գրանցվել:

Հետաքրքրվեցինք` այս տարի էլ ե՞ն հայերը նախընտրում Վրաստանից մեկնել հանգստի:

«Հիմա հիմնականում բոլորը Հայաստանից են մեկնում, որովհետև ավիատոմսերի գների մասով մեծ տարբերություն չկա»,– հայտնեց աշխատակիցը:

«Գրին վեյ» տուրիստական ընկերության տնօրեն Շուշան Սարգսյանի տվյալները ևս չեն տարբերվում նախորդներից:

«Նախընտրած երկրների ցանկում փոփոխություններ չկան: Այն ուղղություններն են, որոնք ամեն տարի նախընտրել են. Եգիպտոս, ԱՄԷ, Եվրոպա և մի քանի ծովափնյա երկրներ: Մարդկանց հոսքը դեպի արտերկիր գրեթե նույնն է: Յուրաքանչյուր ամիս թեթևակի շեղումներ կան, բայց այն մարդիկ, ովքեր ամեն տարի ճամփորդում են, նորից են ճամփորդում: Անցած տարվա հետ համեմատ տարբերությունը քիչ է»,–ասաց Շուշան Սարգսյանը:

Անդրադառնալով ավիատոմսերի խնդրին` նա նշեց, որ չարտերային թռիչքների պարագայում գները նույնն են, քիչ տարբերություն կա. «Բայց միայն ավիատոմսի ձեռքբերումն առանց փաթեթի թանկ է»:

Մելինե Մաթևոսյանի խոսքով էլ չարտերային թռիչքներն այս տարի շատ էժան են:

«Երբեք այսպիսի բան չի գրանցվել, որ չարտերային թռիչքների գները մինչև հիմա նման արժեքներով պահպանվեն, որովհետև իրականում բիզնեսի տեսանկյունից ճիշտ չէ: Իսկ ինչ վերաբերում է ռեգուլ յար թռիչքներին, կարելի է ասել, որ մեծ թանկացումներ չեն եղել»:

Թեև ամառը դեռ չի վերջացել, բայց Մելինե Մաթևոսյանն իր կանխատեսումն ունի. «Իմ կարծիքով` արտագնա տուրիզմի առումով ամենաքիչ թիվն է արձանագրվելու:

Շատ քիչ են մեկնողները: Կարծում եմ` այդ պատճառով էլ գները չեն թանկացել»:

Ինչ վերաբերում է մեր հայրենակիցների` Վրաստանից մեկնելու ցանկությանը, մեր զրուցակիցը նշեց, որ իրենց ընկերությունը հիմնականում Հայաստանից է թռիչքներ առաջարկում. «Մենք ամեն ինչ անում ենք, որ թռիչքները Հայաստանից լինեն, և ավելորդ եկամուտ չապահովենք այլ երկրի համար»:

Մենք փոքր ուսումնասիրություն անցկացրեցինք տարբեր տուրիստական գործակալությունների կողմից առաջարկվող տուրփաթեթների գներին ծանոթանալու համար: Փորձեցինք հասկանալ հատկապես վերոնշյալ ուղղությունների պարագայում առկա առաջարկներին:

Օրինակ` առաջարկվում էր եվրոպական մի քանի երկիր այցելելու փաթեթ, որն արժեր 520 եվրո: Իսկ Պրահայի տուրփաթեթը հիմնականում տատանվում է 370–400 եվրոյի սահմաններում: Իտալիայի դեպքում տուրփաթեթների գներն ավելի բարձր են` մոտ 680–800 եվրո: Արաբական Միացյալ էմիրությունների տուրփաթեթները տատանվում են 518–680 ԱՄՆ դոլարի սահմաններում: Եգիպտոսի դեպքում առաջարկվող փաթեթներն ավելի մատչելին են` 270–500 ԱՄՆ դոլարի սահմաններում: Ներկայացված փաթեթներում հիմնականում ներառվում են բոլոր ծառայությունները` ավիատոմսը, սնունդը, հյուրանոցը և այլն: Հունաստանի պարագայում համեմատական առումով փաթեթների արժեքներն ավելի բարձր են` տատանվում են մոտ 740– ից մինչև 1300 եվրոյի սահմաններում:

website by Sargssyan